كفاره يا مورتا

بالطول و العرض مرتضى راجع يا ولاد الكلب

انا……فودافون

الى المجاهدين فى حزب الله و حماس

بردت ؟؟

عندما يكون الوضع سيئا

نصابون فى اغلب المناسبات و مرتشون فى كل الاحوال

مش رجال الاعمال و لا المسئولين  .. انهم ألافارقة الاوغاد … الحكاية و مافيها ان شبكة راديو و تليفيزيون العرب محتكرة ماتشات تصفيات كاس العالم لقارة افريقيا  بس البلد المستضيفة للماتش لها حق انها تذيعه على قنواتها المحلية الارضية و بس ..لكن الفهلوة المصرية وصلت لفكرة خطيرة انها تبعت ارسال الماتش اللى على ارضها للكونجو و فى المقابل الكونجو تبعت الماتش اللى على ارضها لمصر عشان تذيعه على قناتها الارضية اللى هى القناة الاولى بتاعتنا .. اتمضى الكلام ده من سفراء مصر و الكونجو و فعلا بعتت مصر ارسال الماتش اللى فى القاهرة للكونجو و الناس هناك اتفرجت و زقطت ببلاش

جه بقى ماتش العودة اللى فى الكونجو و لبس الاستاذ /عصام عبدالمنعم البدلة و اتشيك و راح الاستوديو التحليلى بتاع القناة الاولى و اتكلم شوية عل الهوا و فضل مستنى الارسال من الكونجو  حسب الاتفاقية الفهلوية بس مفيش حاجة جات و ساعتها حس عصام انه لبس العمة هو و الفهلوية اصحابه و من ميين من الافارقة كمان ..

بس عصام , رئيس رابطة النقاد العرب و الرئيس السابق لاتحاد الكرة و عضو اللجنة المكلفة بدراسة فشل بكين و الناقد الرياضي بالاهرام ,مسكتش و كتب مقال لو كتبه فى بلد فيها قانون كان زمانه اتسجن او على اقل تقدير اتفصل . الاستاذ الكريم قال حرفيا “اغلبية دول القارة السوداء لا يمكن الوثوق بكلمتها و اتفاقاتها “و  “انهم نصابون فى اغلب المناسبات و مرتشون فى كل الاحوال“

انا مش من انصار الوحدة الافريقية او من اتباع الاخ العقيد معمر القذافى شفاه الله و عفاه لكن انا مضايقنى انه جه  على ماتش ماتذعش و ساعة ضاعت من وقته الغالى و عمل فيها اسد لكن لما 50 مصرى يموتوا فى ثانية او 1300 مصري يغرقوا ما عرفش يقول ربع الكلام التقيل ده  و لو حتي من بعيد ماحولش يلمح حتى ..لكن ماشاء الله عليه و على حزمه و قوة قلمه لما الكلام جه عل الافارقة ..لا ماعندوش تفاهم يعنى ماقلش مثلا الاقلية و لا القلة المنحرفة فى افريقيا ده عمم !! الكلام عل الاغلبية و الشتيمة صريحة لا قلب جرئ فعلا ..طبعا لانه معندوش حاجة يخاف عليها من الافارقة الغلابة ..النصابون فى اغلب المناسبات و المرتشون فى كل الاحوال مش الافارقة يا عص. دول امثالك  ..  .

صورة المقال جوه

ابناؤنا فى الخارج

علاء ( و دلعه يوكا) شاب مصري هاجر امريكا من سنتين و شايف ان صوته حلو و شكله سكسي فجرب حظه فى اميريكان ايدول , و من حظنا ان الكاميرا لقطته هناك من بين الاف المشتركين عشان يشرد يشرف المصريين قدام 12 مليون امريكي بيتابعوا البرنامج مع اني شايف ان احنا مش ناقصيين تشريد تشريف و كفاية علينا يحيى

نحكم عقلنا..

احب الشتائم الى قلب ناتالى

ناتالى بورتمان ممثلة معروفة ( مثلت فى V for Vendetta , Closer, star wars) كانت فى لقاء تليفيزيونى ملى بحب اتفرج عليهم (Inside the Actor’s Studio) و سالها المذيع عن شتيمتها المفضلة او احب الشتائم الى قلبها و ردت رد مفاجئ ….

ايه الرقة و الجمال و الخفة دى ….احلى مرة سمعت فيها ” كس امك” فى حياتي لو قابلتاها و قالتهالى مش هازعل هرد اقول “عيدى تانى “..

ناتالى معجبة جدا ب“كس امك “ و شايفة انها ” شتيمة فيها خفة دم و ده شئ لا يقدر بثمن ” ياريت يا ناتالى تشرفينا فى القاهرة فى اى موقف ميكروباس من ميدان الرماية لاول عباس و تسمعيها من مصدرها الاصلى المنادية و السواقين او تيجى استاد القاهرة و تسمعيها مجسمة فى سيمفونية رائعة من 40,000 من القلة المنحرفة و همو بيزفوا الحضري او تسمعيها من الشباب التعبان و هو بيشتم بلده و اللى هيموت و يطلع منها و بيموت فعلا و هو بيحاول .. و لو لسه بتحبيها بعد كل ده يبقى لازم تقرئى ” كسميات ” نجيب سرور اللى ابنه اتسجن بسببها بعد 23 عاماً من موته!

 

ملحوظة قبل اخيرة: ناتالى اسرائيلية-امريكية و سمعت الشتيمة فى اسرائيل و ده اكبر رد على المشككين فى الريادة المصرية و دليل على قدرتنا على التصدير و المنافسة فى كل المجالات مش بس الغاز المدعم

ملحوظة اخيرة: كس ام اللى كان السبب

احبك تطبل تهلل تهبل عشان مطش كوره وفيلم ومقال

ياشعبي حبيبي ياروحي يابيبي ياحاطك في جيبي يابن الحلال

ياشعبي ياشاطر ياجابر خواطر ياساكن مقابر وصابر وعال

ياواكل سمومك يابايع هدومك ياحامل همومك وشايل جبال

ياشعبي اللي نايم وسارح وهايم وفي الفقر عايم وحاله ده حال

احبك محشش مفرفش مطنش ودايخ مدروخ واخر انسطال

احبك مكبر دماغك مخدر ممشي امورك كده باتكال

واحب اللي ينصب واحب اللي يكدب واحب اللي ينهب ويسرق تلال

واحب اللي شايف وعارف وخايف وبالع لسانه وكاتم ماقال

واحب اللي قافل عيونه المغفل واحب البهايم واحب البغال

واحب اللي راضي واحب اللي فاضي واحب اللي عايز يربي العيال

واحب اللي يائس واحب اللي بائس واحب اللي محبط وشايف محال

واحبك تسافر وتبعد تهاجر وتبعت فلوسك دولار او ريال

واحبك تطبل تهلل تهبل عشان مطش كوره وفيلم ومقال

واحبك تأيد تعضض تمجد توافق تنافق وتلحس نعال

تحضر نشادر تجمع كوادر تلمع تقمع تظبط مجال

لكن لو تفكر تخطط تقرر تشغلي مخك وتفتح جدال

وتبدأ تشاكل وتعمل مشاكل وتنكش مسائل وتسأل سؤال

وعايز تنور وعايز تطور وتعمللي روحك مفرد رجال

ساعتها حجيبك لايمكن اسيبك وراح تبقى عبره وتصبح مثال

ليلة ركوب الافيال

راجل عجوز : يابنى يابنى الكورة و الكلام الفاضى كله ده عشان ينيموكوا ويخليكوا تنسوا

أنا : انا اساسا عايز انسى و بحب انام

النفق

” احا ….احوه… قال ايه عايزين ياخدوه “

بيروسول : الراعى الحقيقى لجماهير الكرة المصرية